မေ ၊ ၂၀ ၊ ၂၀၂၄
SP (VOM)
မကွေးတိုင်း ၊ ပခုက္ကူခရိုင် ၊ ရေစကြိုမြို့နယ်မှာ မေ ၁၈ ရက်က နစက လုံခြုံရေးအဖွဲ့တွေနဲ့ ဒေသတွင်း လက်နက်ကိုင် PDF အဖွဲ့တွေကြား ထိတွေ့တိုက်ခိုက်မှုတွေ ဖြစ်ပွားခဲ့ပြီး ၊ ညပိုင်းမှာ ရေစကြိုမြို့ပေါ်က အငြိမ်းစား ကျောင်းအုပ်ဆရာ ၊ ဆရာမ လင်မယားနှစ်ယောက် အသတ်ခံလိုက်ရတယ်လို့ ဒေသခံတွေဆီက သိရပါတယ်။
” မနေ့က ညနေပိုင်း ၅ နာရီဝန်းကျင်မှာ ရေစကြိုမြို့နယ် ၊ ကျောက်ထပ်ကျေးရွာနားမှာ တိုက်ပွဲဖြစ်တယ် ၊ PDF စခန်းတခု သိမ်းခံရတယ် ၊ ညပိုင်းကျတော့ ရေစကြိုမြို့ပေါ်မှာ နှစ်လောင်းပြိုင် လူသတ်မှုဖြစ်တယ် ၊ အသတ်ခံရတဲ့သူတွေက စာတိုက်နားမှာ နေတဲ့ ကျောင်းအုပ် ဆရာကြီး ဦးအောင်ခင်နဲ့ သူ့မိန်းမ အငြိမ်းစား ကျောင်းအုပ်ဆရာမကြီး ဒေါ်ကြည်တင့် ဆိုတဲ့သူနှစ်ယောက် နေအိမ်ထဲမှာ အသတ်ခံရတယ် ” လို့ ပရဟိတသမားတယောက်က ပြောပါတယ်။
ဒါ့အပြင် ပခုက္ကူခရိုင် လုံခြုံရေးအဖွဲ့နဲ့ နီးစပ်သူတယောက်က
” ညက ရေစကြိုမှာ နှစ်လောင်းပြိုင် လူသတ်မှု ဖြစ်တယ် ၊ သွားရောက်စစ်ဆေးနေဆဲဆိုတော့ ဖြစ်စဥ်အသေးစိပ် မသိရသေးဘူး ၊ မနေ့က ညနေပိုင်း ကျောက်ထပ်ရွာနားမှာ နယ်မြေရှင်းလင်းတဲ့အခါ PDF စခန်းတခု ၊ လက်လုပ်စိန်ပြောင်း ၁ လက် ၊ ၅ ဂါလံပုံးမိုင်း ၆ လုံး ၊ သံပုံးမိုင်း ၁ လုံး ၊ ယမ်းကြိုး ၁ ခွေ ၊ ယမ်း ၂ ပိဿာ ၊ အိုင်ကွန် ၁ လုံး ၊ ဆက်သွယ်ရေးမြောင်း ၁ ခု ၊ လူနေတဲ ၃ လုံး ၊ မီးဖိုတဲ ၁ လုံး သိမ်းဆည်းရမိတာရှိတယ် ” လို့ ပြောပါတယ်။
ပြီးခဲ့တဲ့ မေ ၁၄ ရက် ညနေပိုင်းကလည်း ရေစကြိုမြို့နယ် ၊ မြေဖြူရွာ လူသတ်မှုဖြစ်ပွားတဲ့အချိန်နဲ့ တပြိုင်တည်းမှာ ဂွေးချို ပြည်သူ့စစ် စခန်း ၊ ဆင်မရဲ ပြည့်စစ် စခန်း ၊ ဆင်ချောင်း ပြည်သူ့စစ် စခန်းနဲ့ ဟင်္သါ ပြည်သူ့စစ် စခန်းတို့ကို ဒရုန်းဗုံးတွေနဲ့ တိုက်ခိုက်ခံရတယ်လို့ သိရပါတယ်။ ဒါ့အပြင် ပြီးခဲ့တဲ့ မေ ၁၄ ရက် ညနေပိုင်းက ရေစကြိုမြို့နယ် ၊ မြေဖြူကျေးရွာနားမှာ ကိုကျော်ဆန်းလွင် အပါအဝင် လူ လေးယောက် အသတ်ခံရပါသေးတယ်။
Related posts
-
ပန်ဝါ လုပီ အခြေစိုက် အမှတ် ၁၀၀၂ နယ်ခြားစောင့်တပ်စခန်းကို KIA နဲ့ ပူးပါင်း တပ်ဖွဲ့သိမ်း
အောက်တိုဘာ ၁၅၊ ၂၀၂၄Shy V (VOM)ကချင်ပြည်နယ် ချီဖွေခရိုင်၊ ချီဖွေမြို့နယ်၊ ပန်ဝါတရုတ် မြန်မာနယ်စပ်မြို့အနီးက... -
ဟဇ်ဘိုလာတွေကို အညှာအတာကင်းကင်း တိုက်ခိုက်တော့မယ်လို့ အစ္စရေးဝန်ကြီးချုပ် ကတိပြု
တဲလ်အဗစ်၊ အောက်တိုဘာ-၁၅-၂၀၂၄မျိုးဆက်(VOM)အစ္စရေးကို ဟဇ်ဘိုလာတွေရဲ့ ဒုံးကျည်တိုက်ခိုက်မှုကြောင့် အစ္စရေးစစ်သား လေးယောက်သေပြီး တခြားလူ ၆၀ ကျော်ဒဏ်ရာရပြီးနောက်မှာ... -
အိန္ဒိယနဲ့ ကနေဒါတို့ သံတမန်တွေကို အပြန်အလှန်နှင်ထုတ်ပြီး ဆက်ဆံရေး ပိုတင်းမာလာ
တိုရွန်တို၊ အောက်တိုဘာ-၁၅-၂၀၂၄မျိုးဆက်(VOM)အိနိ္ဒယသံရုံး မဟာမင်းကြီးအပါအဝင် သံတမန်ခြောက်ယောက်ကို ကနေဒါနိုင်ငံ နှင်ထုတ်လိုက်ပြီး ကနေဒါရောက် ဆစ်ခ်ခွဲထွက်ရေးလှုပ်ရှားမှုနဲ့ အိန္ဒိယအတိုက်အခံတွေကို...